飛行報告 | 英航 BA800/801

6月去咗去倫敦做Assessment，之後去咗轉冰島...

我自己之前未試過係外地 (而唔係返香港) 的一班機上有咁多香港人...
呢班機最少有十幾二十人都係香港人 (見到佢地手持特區護照同聽到佢地講廣東話) , 有無咁多香港人鐘意冰島呀? 我估計佢地都係坐完BA28/32 轉機去冰島...

夜遊杜拜- 阿聯酋之旅-1

普遍黎講，香港人對阿聯酋嘅印象應該都係來自 1.李籠怡首《夜遊杜拜》 2. 阿聯酋航空 3.杜拜誇張的建築同埋 4.好多有錢人 5.石油同沙漠，但事實上我地有對呢個國家認識幾多呢?

因...國泰航空 Cathay Pacific | HKG<>BKK 經濟艙

見前幾篇飛行報告反應唔錯，出多一篇近期少少。

有重要的朋友叫我去泰國玩，都係格硬抽時間出黎。所以要Last minute 出飛，估唔到都唔算好貴，CX勝在班次密，今次係一個短Trip，要就時間，所以咁就揀CX啦，唔好煩。

(唔考慮泰航因為儲分問題，只考慮OW/EK/HX)

走過烽火大地‬ - 伊朗, 德黑蘭 4 (飲食)

 前篇
｜《‎走過烽火大地‬ - 伊朗, 德黑蘭 1(背景)》
｜《‎走過烽火大地‬ - 伊朗, 德黑蘭 2(交通)》
｜《走過烽火大地‬ - 伊朗, 德黑蘭 3 (景點)》

今篇應該係呢個Trip 的最後一篇，會講下伊朗的食物、行街同埋離開德黑蘭市區的景象。

食物

市內的餐廳
餐牌主食都係兩三樣可以揀

呢一碟係第一篇個飯

出到外面餐廳都係食呢啲
沙律+ Kabab 飯
呢隻米軟身好多，味道同我地食開啲越南泰國米唔同

同飯堂少少分別係有個甜品
Cake 黎
伊朗甜野係甜到香港人不能接受的

跟住路過見到一間野幾得意

Pizza? 包? 我分唔清，佢地話Pizza 黎

生果店 

去到另一區見到一間糕餅店

中東式糕點
之後係阿聯酋都見過類似
甜度如果10分滿分，呢堆野有100分甜

蛋糕望落幾靚仔
食落口! 嘩靠而係爆甜....!

去返飯堂

早餐

晚餐必備的無酒精啤

 Bazaar

睇完食，就睇下巴剎 Bazaar (即係市集，新加報係咪有個叫老巴剎既? 咪就係呢個字囉)

中東國家都有好多Bazaar , 德黑蘭都唔例外，印象中呢個係其中一個大Bazaar，但可惜又係無咗部電話無咗個名。

伊朗婦女係到Shopping

咪以為中東女人包到密密實實又黑沈沈，就以為入面都係。

其實，佢地入面著得好鮮色，只不過文化黎講，就只係留返比屋企人睇。外人無得睇

嘩！你睇下啲內褲 Pinku 都有呀!

鮮色的內衣數

香水鋪
個店員係咁見我收埋部電話

電話鋪
一樣有Ipod Ipad

又有鋪頭棗

行完市集，司機叔叔就帶我離開咗市區，上山。

上山 

離開德黑蘭市區，風景即刻唔同晒。
山都係黃色的。

 舊式的Mercedes 貨車，好有feel

行程中，都發覺伊朗人好鐘意自己國家都好自豪。

正如，我上幾篇提到伊朗人人都係車手。係山路佢地發揮得淋漓盡致，只要你一慢少少就有人爬頭，即使前面係一個盲彎.....

為咗感受下，伊朗式駕駛我問下司機可唔可以比我渣，佢即刻話OK! 勁爽快!

佢係一個沙地+上斜既位比我渣，個極力子又高，試緊起步個下，佢問我：「你唔係識渣車架咩？點解起唔到步」

有少少瘀，不過大佬個極力子超高、又斜路同沙地，玩我咩 XD

好緊張XD

 好刺激

開始見到有雪

 最後我地上到一個頂，有啲茶檔。

有雪

同伊朗父婦合照

司機買咗碗湯，到依家我都唔肯定咩黎
豆蓉？但好飲架

著到短衫

真男人ＶＳ德黑蘭

買湯的檔口

呢個哥哥送咗條手繩比我做紀念品

伊朗人見到外地人都非常熱情，個幾日我係到條街，人人都啤住我。不過我見佢地望人真係啤住人咁樣，無惡意。反而係好奇點解有個外國人係到。

一路打都未講到呢個point，咁見到外地人一定會問你邊到黎啦，跟住就問鐘唔鐘意伊朗。佢地國家真係好proud of 自己國家，話伊朗係全世界最好的國家，飯又係最好味啦 XD

跟住就會入正題，問你覺得美國點... 之後你唔駛答，佢地就會話美國佬好衰，唔好信佢地，我地唔係恐怖份子 etc.

雖然，最後佢地都會話德黑蘭生活好苦，啲野貴 (但對我地黎講係平到笑)

但言談間你仲會見到佢地的笑容。

竟然見到波子

呢段路行80 km/h都比人爬頭

之後落山返入德黑蘭

好啦，最後一站

好簡單的裝修

伊朗民居

 前篇提到，司機佢朋友個女結婚。渣渣下車，佢問有無興趣去下伊朗人屋企 (佢地好似好鐘意請人返屋企，係街試過幾次，不過司機都話唔好係街信陌生人呀！)

咁司機哥哥熟，就即管去睇下啦！










一張地毯就足夠

伊朗人屋企好簡單，完全無雜物。櫃入面都只係放裝飾，家居的設備真係夠生活就得。

佢地最重要係屋企有張地毯，跟住就可以唱歌跳舞。(講完佢地即刻跳舞)

呢杯係一杯VODKA

熱情如火

佢地熱情到不得了，係咁要我食生果呀，飲野咁。話

說伊朗就禁酒精，但佢地原來都會偷偷地飲。

屋主驚我黎咗伊朗幾日，無飲過酒唔慣，打開個櫃有勁多烈酒，Vodka呀、Tequila呀.. 仲有其他... 仲要係想斟滿比我，大佬點飲呀 XD!

茶煲

之後，我的伊朗之旅就差唔多完結啦！做總結前比多啲相大家睇先！

我成個Trip 最鐘意的一張相。
個女仔見到我影相，即刻攬實啲佢情人，個樣好sweet 好有愛 ^3^
唔知幾時可以做男主角呢? (首先...我要有....)

佢地好多都唔帶頭盔.. 好危險

舊貨車

郵局

好啦!  呢個旅程都真係尾聲啦! 伊朗比我的感覺好好，市民好Friendly 好開心 (不過會啤你)，佢地好愛自己國家，亦好唔鐘意美國/外間認為佢地係恐怖份子。

仲有一個城市，個個都問我有無去過，個名叫 Isfahan 伊斯法罕，個個都勁力推薦，睇黎一定要搵機會去下！

如果睇到你呢到，你都仲睇緊，而又有興趣去伊朗的話。歡迎facebook message 下我，睇下大家有無機會夾到一齊去? 因為我都好想再去呀! [http://www.facebook.com/fasichan]

如果你地鐘意呢幾篇遊記又或者有咩問題，歡迎留個言比個Like，我會開心架!

拜拜伊朗! (去機場塞緊車)

呢張應該係杜拜黎

當時阿聯酋航空飛香港並唔係班班都係A380
只有EK384/5 (經曼谷) 一定係A380
為咗坐A380 特登揀呢班

係曼谷要等2個鐘，唔比落機。
工作人員會上黎清潔同換crew

完! 

*下一篇未諗到打邊一個地方先好，手頭上有 《英法西葡自駕遊》、《GB自駕遊》同《冰島自駕遊》... 想我打邊一篇留下言呀!!!! 謝!

前篇
｜《‎走過烽火大地‬ - 伊朗, 德黑蘭 1(背景)》
｜《‎走過烽火大地‬ - 伊朗, 德黑蘭 2(交通)》
｜《走過烽火大地‬ - 伊朗, 德黑蘭 3 (景點)》