免費製作屬於自己的Tap & go卡

今日收到張Tap & Go 卡想介紹比大家，Tap & Go 出咗個「Selfie-A-Card」服務，可以將自己的相印落張Tap & Go卡到，我就用咗去切爾諾貝爾之旅的相做卡，仲好快收到添！

[儲哩數] 入油點樣賺盡Asiamies?

今日想同大家分享一啲儲哩數嘅心得，我相信係香港講起儲哩數，一般都係玩儲「Asiamiles 亞洲萬里通」先，咁Asiamiles除咗坐飛機同碌卡換哩數之外，其實仲有好多方法儲哩數嘅，今日就講下入油儲哩數啦！

賺取哩數一、汽車及運輸

如果你有渣開車的話，唔知你知唔知，原來平時駕駛的消費都可以變成哩數呢?

係Asiamiles官網入面，其中一個賺取里數嘅方法就係「汽車及運輸」類別

咁Esso 係Asiamiles其中一個合作夥伴

嚟到呢一步，你可能會諗我準備教你申請個「Esso Smiles」戶口直接換Asiamiles?

緊係唔係咁簡單啦！

上去「Esso smiles」嘅官網，你會發現Smiles積分除咗可以換Asiamiles之外，仲可以換百佳嘅「易賞錢」

Smiles積分可以兌換Asiamiles 外，亦都可以換易賞錢

咁點解無啦啦，我要爆咗個易賞錢出嚟呢？咁又要講下啦，原來易賞錢同樣係Asiamiles嘅合作夥伴，不過就屬於「零售」類別。

易賞錢計劃屬於賺取Asiamiles嘅另一類別「零售」

易賞錢一樣可以將積分換做Asiamiles

不同的兌換率

計劃之間嘅關係圖
Asiamiles、Esso Smiles同易賞錢其實各自都係一個獨立的積分計劃

好啦，點解要特登介紹三個計劃呢? 因為佢地實際上係三個獨立的積分計劃，但咁岩幾個計劃之間都有一個合作夥伴嘅關係，而重點係每一個計劃之間都有不同的兌換比率。

好啦，我地一齊睇睇佢地嘅積分換算表先

Esso Smiles積分換算表

易賞錢積分換算表

再一齊計下數，比較一下先：

假設現在有2,500 Smiles
情況		轉換	結果
1	由於 2,500 Smiles = 500 Asiamiles	如果直接轉換 2,500Smiles	500 Asiamiles
2	而 2,400 Smiles = 4,000 易賞錢	首先將2,400 Smiles 轉換 4,000 易賞錢 而400 易賞錢 = 100 Asiamiles , 即係4,000 易賞錢可再轉換為1,000 Asiamiles	1,000 Asiamiles , 1,000 Smiles 比直接轉換多出雙倍哩數，仲要有1,000 Smiles 淨

計完之後，係呢個表可以見到，同樣嘅積分，只要唔好直接轉，而隔一層咁轉，就可以得到雙倍差距嘅哩數！

o拿！仲有其他好處架：

積分到期日

積分到期
Asiamiles	易賞錢	Esso Smiles
「亞洲萬里通」里數的有效期為里數存入月份計起三年。	獎賞積分之有效期為兩年。	只要在十二個月內使用Smiles咭+入汽油並賺取積分最少一次， Smiles積分有效期就可以一直延續。

由於每個計劃都有各自嘅積分有效期，如果將Esso Smiles轉做易賞錢而唔立刻轉去Asiamiles住，會比直接由Esso Smiles轉做Asiamiles多兩年有效期。

多一個計劃=多一個儲分方法

去到呢一步，你開多咗個易賞錢戶口，你就可以去誠哥集團旗下嘅超級市場同家電鋪買野又有積分儲下，實行賺盡每$1嘅消費呀。

入靚油儲多啲分

Esso Smiles　會員本身都已經有每升電油$0.9嘅優惠，唔單只咁，佢地經常每星期都做一個每升$2.0優惠，只要夾岩時間入油，其實唔會入貴好多，但就可以儲積分，駛咩用其他月結油卡？

仲有留意返靚油一升係有15分，平油一升得10分，即係入靚油比入平油多50%積分

用信用卡找數　再儲多啲分

除咗儲Esso Smiles分，入油用信用卡找數，依然可以儲信用卡積分，所以變咗相重儲計分。

美國運通國泰航空尊尚信用卡
立即申請

唔知用邊張信用卡? 我介紹你用呢張《美國運通國泰航空尊尚信用卡》，係Esso 入油肯定用得到。

仲有，我自己都用緊American Express，未申請之前成日聽人講難用呀、又收費貴咁。但用落發覺AE 唔單只唔難用，係好易用，而且客戶服務好好，打電話上Card Center 啲職員都勁Smart，態度又超好、Website 同app 又做得易明，找數、入賬期等，明顯更新得比其他銀行快。

所以我自己都好滿意American Express服務，唯獨豁免年費個簽賬要求，的確比其他信用卡高係真嘅，依家申請仲有以下優惠添：

美國運通國泰航空尊尚信用卡禮遇 豁免首年年費及首3個月可賺取獎賞高達79,500「亞洲萬里通」里數 推薦計劃獎賞: 2,000 「亞洲萬里通」里數 網上額外獎賞 : 2,500「亞洲萬里通」里數 迎新簽賬獎賞 : 簽賬滿HK$5,000 可賺取5,000「亞洲萬里通」里數 本地簽賬每 HK$5 = 1里數 (最高可達 40,000「亞洲萬里通」里數) 外幣簽賬(包括網上及其他消費)滿等值每 HK$3 = 1里數 (最高可達 30,000「亞洲萬里通」里數) *包括基本卡及附屬卡之簽賬。迎新優惠須受條款及細則限制.

> 按呢到申請


咁今篇介紹係咁多先，其實其他油站，好似Shell 都有得轉做Asiamiles，有時間再同大家分享。

最後一個提醒，積分同哩數唔同錢，個價值係幾多決定權係間公司到，佢地可以將佢隨時改變，所以要避免囤積大量積分同哩數唔用。

多謝！

如果大家覺得呢篇野有用，就幫我Share 下啦! :3

參考連結：

• 易賞錢 www.moneyback.com.hk
• Esso Smiles www.essosmiles.com.hk
• Asiamiles www.asiamiles.com

此文章作者與以上商戶無任何合作關係，推薦乃純粹出於真誠分享，如因此推薦引起任何問題，作者恕不負責。

買哩數 換機票 港紙$10,000飛商務去澳洲 (United MileagePlus)

香港人鐘意外遊，我自己身邊嘅朋友都成日出盡力去搵平機票，依家大家亦好興簽卡儲分換機票，但唔知大家有無留意哩數係可以買呢？

通常買哩數就唔抵嘅，不過如果有優惠就唔同講法啦。

最多100%Bouns

最近，聯合航空前程萬里飛行計劃 (MileagePlus®,United Airways) 做緊隻夏日優惠"Double up on summer travel" 優惠，只要係2016年8月15日或之前買哩數，之後最多再送你100% bouns 哩數！

節錄"Double up on summer travel"優惠網頁

Buy 5,000 - 19,000 miles | Get a 25% bonus Buy 20,000 - 29,000 miles | Get a 50% bonus Buy 30,000 - 75,000 miles | Get a 100% bonus

為相對其他航空公司的Frequent flyer program (例如：Asiamiles)呢，MileagePlus® 喺香港就少人玩啲嘅，因佢無咁多信用卡可以儲里數，但MileagePlus® 最出名就係換香港去澳紐機票。舉個例呀，呢個計劃最平35,000哩數就可以換到一套來回Sydney 嘅機票，而且個系統仲好易搵機票添。

不過，我自己覺得最抵換就係換Business class(60000哩起,來回) / First Class (80,000哩起,來回)啦！因為，香港直航Sydney平時做Promote 時，講緊都祗係$5,xxx幾咁平嘅時候，就無咩需要買哩數換機票啦！但掉返轉Business 呢，平時平極都講緊一般最少要港紙$16,000以上，直航個兩個公司仲要無First Class (Qatas, Cathay Pacific) ，所以用哩數換飛就幾抵啦！

即係幾錢呀？

入正題啦，咁即係要用幾多錢呢？ 呢隻優惠講緊買30,000哩以上就有100%bonus。換句話講，即使你完全無哩數係account 入面，祗要你買30,000哩就夠換一張香港來回Sydney的Business Class機票啦!

咁30,000哩連稅就係USD$1,128.75 (港紙大約$8918) 再加稅項同聯合航空手續費大約港紙7xx-$1,3xx

即係話大約$10,000就可以買到香港來回澳洲的商務機票啦! (不過要轉機)

買哩數網頁的版面

首先選擇你需要的哩數量，然後輸入信用卡資料再按「PAY NOW」就搞掂!

哩數差唔多可以話即時入賬，即時用得。

*每人每年度最多買150,000哩數

咁點樣買呀？

首先，你要有MileagePlus®戶口，未有就再喺下面教大家。

一、登上 united.com

二、login 你的MileagePlus®戶口

三、之後網頁上面選擇前程萬里飛行計劃 (MileagePlus®)
再選擇「購買、轉移或轉贈里數」或 "Buy, transfer or give miles"

四、揀"Buy Personal Miles" 就可以幫自己個帳戶買哩數
又或者揀 "Give Miles" 買哩數送比人。

*記住一定要login account 後先好入呢版，唔係會error。
**如果想幫其他人訂飛，用自己個帳戶都可以。唔駛買哩數送比人。

五、買哩數的版面
輸入返信用卡同賬單資料，然後比錢就可以

六、買完之後的確認版面，
用手機買一樣無難度！

我未有MileagePlus 典算牙?

好簡單，係united.com 填資料好快開到account.

按 「不是會員? 立即加入」 或 "Not a member? Join now"

跟住填晒form 就可以啦!

點搵機票呢?

首先去返united.com首頁 (check 機票唔駛login/無account 都得)

一、直接係首頁「預訂旅程」或"Book Travel" 到輸入行程就得。

如果無確實旅行日期可以揀「彈性旅遊日期」或"My dates are flexible" 然後按「搜尋」
又或者係上面揀「預訂」或"Reservations"

二、然後選擇「搜尋獎勵旅遊航班」或"Award travel" 

三、一、之後會跳到嚟呢一版「預訂獎勵航班」，
有更多搜尋條件比你輸入搵自己嘅心水機票。

三、二、　唔知幾時出發同回程都無問題，可以選擇「彈性旅遊日期」。

四、之後你會見到呢條航線可以換飛嘅日子。
白色嘅日子即係無優惠哩數機票換，就算有得換都好，需要的哩數就會多啲咁囉。

五、一、搵其中一日做例子，
2016年8月9日都有好多唔同組合的飛可以換，香港去Sydney 主要有泰航同紐西蘭航空揀。

五、二、要小心紅色「 ? 」Mixed cabin 
即係可能會係「經濟+商務」或者「商務+頭等」的組合，但換飛需要嘅哩數係唔會少咗架!

六、揀晒來回飛先開始要login, 如果唔確定買唔買里數都可以睇咗先。

七、一、如果唔夠里數佢就會出警告，你只可以review 但唔可以下一步。

七、二、哩數同價錢都無問題就可以「繼續」。

八、再係下一步就係輸入「旅行資料」，呢一版就係可以幫人訂啦。

再下一步就係輸入埋信用卡資料，就可以完成訂票啦。
訂完票後，你會好快收到Email 確認。

有一點留意返，united.com訂飛好似未支援其他星空聯盟公司的揀位，所以訂完飛都係無得揀位座。

***仲有留意返訂21天出發前的機票要收USD$75 (約HKD$582)的手續費

改飛等等的其他收費，請留意獎勵購票選項/服務費。

訂飛完成!

by the way, 大部分飛都係search 到泰航, 但千奇唔好比轉機時間嚇親, 泰航呢, 係曼谷個機場有靚Lounge, 仲有個ROYAL ORCHID SPA提供Spa/按摩服務, First class 仲有成60分鐘, 想嘆耐啲記住揀轉機時間耐啲呀! 我驚你最後飛十幾個鐘覺得唔夠喉咋!

更多資料：

http://www.thaiairways.com/zh_HK/exp-my-thai/on_ground/lounge.page?

http://www.thaiairways.com/zh_HK/exp-my-thai/on_ground/spa.page?

平時可以點儲MileagePlus? 

大新聯合航空萬事達卡

大新銀行有一張大新聯合航空萬事達卡，本地簽賬　HK$8 = 1里數｜本地指定商戶簽賬 HK$6 = 1里數｜海外簽賬 (大新聯合航空萬事達白金卡) HK$5 = 1里數，迎新里數最高有9,000里。

更多資料，自己上dahsing.com睇啦。

最後，多謝大家睇呢一篇野，我好少時間理呢個Blog，我都不定期upload 下野，希望大家多多支持。最後最後提醒返大家買之前要小心，如果你未坐過商務艙之後都幾難返轉頭，你會係咁搵機會坐Business，咁難得平平地可以坐，就點都要試下啦！

此文章作者與以上商戶無任何合作關係，推薦乃純粹出於真誠分享，如因此推薦引起任何問題，作者恕不負責。