一夜間，變成廢墟－普里皮特
大家成日上網睇到嘅切爾諾貝爾廢墟，其實係一個叫「普里皮特」的城市。「普里皮特」位於核電廠的三公里外，較位於「切爾諾貝爾核電廠」距離10公里以外的「切爾諾貝爾城」距離近得多。
如果你身處「普里皮特」中嘅高樓，係可以肉眼睇到核電廠嘅，所以就解釋到，點解呢個城市要完全撤離啦。
核事故發生後，「普里皮特」的居民同首都基輔嘅政府完全唔知道核電廠發生咗咩事，因為核電廠的人員，一路忍瞞住發生意外的真相。
最後，因為輻射傳到其他北歐國家，由其他國家發現地方輻射突然大量急升，再係調查之下，發現應該係由外地傳入，再反通知烏克蘭當局，首都政府先知道發生咩事。
當首都方面一知道實相後，就下令全面緊急撒離，超過四萬名的居民係好短時間之下就要撤走。當時當局通知居民只係要離開幾日，居民由收到通知到離開，可能只有數小時。除咗必須品外，好多物品都唔准拎走，因為佢地都估唔到一去無回頭。
所以，就變成依家嘅「普里皮特」，即使到咗2015年，當你一踏入普里皮特就彷彿回到1986年一樣,,,,
*「普里皮特」又可以稱「普里皮亞季」或者「普里皮得」... 是但啦譯名嚟!
「普里皮特」內的片段
 |
| 普里皮特的入口處 , 可以見到這個城市建於1970年 |
 |
身後為「紅樹林」(Red Forest) ，導遊話核災後有段時間所有樹都變晒做紅色。
不過，近年政府都有翻土同種過啲新樹，
所以大家就見唔到紅色嘅森林啦。
|
 |
| 進入普里皮特要經過多一個檢查站 |
 |
進入城市嘅途中，已經被眼前所見一切感到震撼！
接住落嚟嘅行程的兩日，都無減低覺得過震撼的感覺 |
 |
| 路都幾爛，完全渣唔穩部手機 |
 |
| 旅遊巴掉低我地，我地成團人就開始係城內慢慢探索。 |
「普里皮特」原本係設計比核電廠嘅員工同家屬居住，為咗吸引佢班精英去核電廠做野，呢個城市係有好好嘅規劃同設施。當時個個都想入嚟住！
即使到咗2015年嘅現在，如果個城市無發生核災，絕對係唔差架！可惜......
 |
| 開始嘅地點，係全個城市嘅中心 |
超級市場
之後參觀一座類似康樂中心的大廈
有球場，有劇院.....
 |
參觀時我地都保持一大班人係附近，唔好走失！
仲有接著落嚟兩日都一直都要狂踩玻璃碎。 |
 |
| 劇院 |
 |
| 空氣中仿佛滲著陣陣的哀傷 |
 |
| 係呢個環境，你會不禁反問一下自己，究竟自己想要乜野嘅人生... |
泳池
之後就去下一個點
遊樂場
接著落嚟呢個遊樂場，從來未正式投入運作。
當年打算係五月一日開幕，點都估唔到四月二十六日....
 |
| 影chok 相真係無得輸 |
之後，我地離開遊樂場，繼續參觀....
 |
普里皮特內的好多渠蓋都係無咗嘅，如果大家真係有機會去，就要小心。
因為真係好深！ |
經過呢啲路，我地就去到下一個點
體育館
 |
| 籃球場 |
 |
| 跳水池 |
 |
| 打機嘅朋友應該見過！ |
之後離開體育館，去睇一睇當時的
學校
 |
當年，仍處於冷戰時間（小弟歷史唔叻，其實係直頭唔識，錯咗勿見怪）
蘇聯都好驚受到核武嘅攻擊，
佢地計劃好，如果真係受到攻擊，學校就會成為避難所。
所以學校有好多防毒面罩。 |
 |
| 每一個角落你都可能會有所發現 |
 |
| 其實好多建築內部已經日久失修得好嚴重！ |
 |
| 學校全景 |
之後參觀完學校，就參觀埋第一天行程嘅最後一個點
田徑場
 |
| 入口 |
 |
| 禁區內都幾多銀柳 |
 |
| 看台 |
 |
| 田徑場都生晒樹，只可以隱約見到條跑道 |
當時，時間都大約5點幾6點啦，我地當日的朝早又一早8點已經出發，無lunch 食又少少落雨...好鬼凍。所以大家都攰啦，我地就返去「切爾諾貝爾城」嘅酒店休息。
第一天完
下一篇 住宿編
