切爾諾貝爾之旅#1 - 出發的原因

自我介紹

大家好！呢篇o係小弟第一次喺Blog 寫野，日後我會喺呢到分享下一些旅行的所見所聞。

首先自我介紹一下先，我就係一個不折不扣嘅香港人，喺香港出世香港大，現時單身（呢個喺重點，同點解Blog名叫「獨男遊」 哈哈)，好似乜都唔係好叻，淨係鐘意周圍走。

因為小弟的工作比較特別的關係，工作時間比大部分人都自由。所以係2015年3月初嘅時候，經過咗非常忙碌的半年，突然知道有一個空檔，所以就決定去一去旅行啦!

因為單身嘅關係... 所以我覺得應該去多啲唔同又特別嘅地方見識下，唔好日後比遺憾自己啦！

所以今次就決定去
烏．克．蘭!

點解揀烏克蘭? 有以下呢幾個原因:

網上流傳圖片

1. 鐘意「鬼妹」
   我個人嚟講就一路都幾喜歡「鬼妹」， 而坊間一直流傳烏克蘭出名多靚女.... 再加上網上有一篇好出名o既文 「冬至那天，我的烏克蘭老婆說要包餃子」... 睇完之後我好希望親身去見證下係唔係真o既!
2. Topgear鐘意車嘅你實睇過呢個英國節目... 咁佢地喺Series 21裡面嘅其中一集就去咗Chernobyl，所以好想睇下係咪咁堅!
3. 機票優惠
   其實一路都好想去烏克蘭，所以不斷有留意機票價錢。當仲考慮緊去唔去好嘅時候，突然發現想坐班機嗰時間有靚價! 所以唔諗咁多啦就訂票啦！(話說3月12號(即3月11號凌晨)出發，3月5日先訂機票)

所以其實呢個旅程都係一時衝動!!!

--

切爾諾貝爾之旅#1 - 出發的原因

切爾諾貝爾之旅#2 - 旅程資訊

切爾諾貝爾之旅#3 - 杜拜轉機

切爾諾貝爾之旅#4 - 烏克蘭首都基輔#1

切爾諾貝爾之旅#5 - 烏克蘭首都基輔#2

切爾諾貝爾之旅#6 - 進入切爾諾貝爾

切爾諾貝爾之旅#7 - 30公里禁區 (第一天) 

切爾諾貝爾之旅#8 - 四號核電站 (第一天)

切爾諾貝爾之旅#9 - 荒廢之城 (第一天) 

切爾諾貝爾之旅#10 - 禁區內住宿

切爾諾貝爾之旅#11 - 第二天旅程

切爾諾貝爾之旅#12 - 感想