2015-05-16

切爾諾貝爾之旅#6 - 進入切爾諾貝爾


我的身後就係當年發生核事故的「切爾諾貝爾核電廠」四號核電站














背景資料


切爾諾貝爾* 核事故
維基百科# 切爾諾貝爾核事故發生於1986年4月28日,是一件發生在前蘇聯治下烏克蘭境內車諾比核電廠的核子反應爐事故。該事故被認為是歷史上最嚴重的核電事故,也是首例被國際核事件分級表評為第七級事件的特大事故(目前為止第二例為2011年3月11日發生於日本福島縣的福島第一核電廠事故)。主因為功率的劇增導致反應爐被破壞,並使大量的放射性物質被釋放到環境中。最初發生的蒸氣爆炸導致兩人死亡,接踵而至的絕大部分受害者的病因及死因都歸咎於事故中釋放的高能放射線。

Pripyat 的風景
切爾諾貝爾 禁區 (Chernobyl Exclusion Zone)
切爾諾貝爾核電廠距離首都基輔以北約150公里,於發生核事故後,核電廠外直徑30公里範圍內至今仍被畫成禁區。禁區分為直徑30公里範圍及直徑10公里範圍禁區,進入禁區須通過檢查站。

當時超過30萬名居民需要撤離,其中城市Pripyat「普里皮亚季」亦被同時廢棄,至今完全荒廢。

身處切爾諾貝爾禁區檢查站前留影
進入切爾諾貝爾 禁區
現時位於禁區內的切爾諾貝爾城仍有約5,000名居民,他們都是政府派往當地以維持該城市的運作。除了工作人員外,作為遊客可以選擇參加當地舉辦的旅行團,基輔有多間旅行社舉辦入切爾諾具爾的旅行團,便可以進入禁區。

在Pripyat 內一些因為日久失修而倒塌的建築物前流影
旅行團資料
我當日選舉了"Chernobyl-Tour"的兩天團,大約$390 USD (約港幣$3,000多),你需要持有有效護照先可以進入禁區內。報名時除咗比錢就係要交低晒個人資料。去完仲會有證書收!

*Chernobyl - 香港稱「切爾諾貝爾 」;台灣稱「車諾比」;中國稱「切爾諾貝利」



入區注意事項
  • 一定要帶Passport 仲要係報名時提交資料個本,唔好錯號碼同名,唔係無得入!
  • 由於禁區基本上係好少人住,所以唔好期望有野買。
  • 請一定要自備足夠水同食物,兩日團係無午餐食,只有第一天的晚餐,第二天有早餐同晚餐。
  • 禁區內部分地方可能收唔到電話。
  • 行程中禁酒、禁毒品
  • 不要破壞(例如留下字句)或取走禁區內任何物品
  • 除導遊批准外,一定要緊隨團隊,切勿離群
  • 必須穿長袖衣服及褲,不可穿背心、短褲和拖鞋等等
  • 最重要是留意及遵守導師的指示。
--------------------
正式開始行程
我參加個旅行團,就係出發當日早上7:30 集合。人齊出發,遲到唔會等超過8點。集合地點喺基輔中央火車站附近 (坐地鐵就117 Vokzaha站出) 再要行10分鐘左右。

地鐵站117 Vokzaha 出面的環境,一出黎向前行就係中央火車站
可以選擇經隧道或者上火車站穿過對面,離開火車站向右行就到

將會陪伴我地成團人兩日的巴士,巴士上有輻射標誌
(如果人多會有大旅遊巴)
開車10幾20分鐘後,入油站加滿油準備兩日禁區行程
同埋比你買下野去下廁所,之後差唔多要2個鐘先到

油站記住買野食同買水
呢個唔關個Trip 事,係純粹你見過呢種熱狗未?
好平嘅油呀 (個價除3左右就係港幣價)


係烏克蘭郊外飛馳
雖然路唔係太靚,但司機開得好好!
即將到達禁區檢查站,正式展開「切爾諾貝爾」之旅!

當日仲有另一團入去禁區
檢查站外的指示牌
有一個小小的宗教建築
廁所
唔去無得去,你自己諗?


檢查站外環境

好啦! 準備入禁區,你準備好未?
驚唔驚輻射? 安唔安全?
唔好咁心急,請繼續Follow!

--

切爾諾貝爾之旅#1 - 出發的原因

切爾諾貝爾之旅#2 - 旅程資訊

切爾諾貝爾之旅#3 - 杜拜轉機

切爾諾貝爾之旅#4 - 烏克蘭首都基輔#1

切爾諾貝爾之旅#5 - 烏克蘭首都基輔#2

切爾諾貝爾之旅#6 - 進入切爾諾貝爾

切爾諾貝爾之旅#7 - 30公里禁區 (第一天) 

切爾諾貝爾之旅#8 - 四號核電站 (第一天)

切爾諾貝爾之旅#9 - 荒廢之城 (第一天) 

切爾諾貝爾之旅#10 - 禁區內住宿

切爾諾貝爾之旅#11 - 第二天旅程

切爾諾貝爾之旅#12 - 感想

沒有留言:

發佈留言