好耐好耐無打過遊記啦，今期打返2017年聖誕假同朋友去紐西蘭租露營車去玩既blog 先旅程資訊
日期：2017年12月26日 - 2018年1月3日 (實際有2017年12月27日-2018年1月2日玩)
主要旅程範圍: 紐西蘭北島
-------------------------------
今次小弟同成班中學同學一行四人去旅行，雖然去紐西蘭黎講，呢個Trip 唔係太夠時間，但隨住年紀漸大，大家嘅生活越黎越繁忙，既然夾到檔期去旅行，就唔好諗咁多，起行先算啦!
露營車之旅嘅好處就係夠彈性，基本上係出發之前，我地除咗訂露營車之外，都無咩計劃過行程....
-------------------------------
訂車
 |
| Mighway 首頁 |
呢個旅程我地透過https://www.mighway.com/ 訂車，Mighway 就好似露營車版的Airbnb 咁，一啲私人車主將自己架Campervan 放出黎租，所以租車的彈性會大啲同可能平啲。
其他大公司例如 Britz / Maui / Apllo 呢類，聖誕檔期都設有Minimum booking period，即唔接受短過某一個天數既booking，例如最少要訂10日，變相貴到飛天，我地都訂唔落手，無理由去7日要訂10日嘛😔。
 |
| 訂車的版面，可以選擇： 一、傳動，棍波定自動波 二、人數 三、是否能自給自足(Self-contained) 四、預訂是否可以馬上確認 (Instant Booking) |
訂車期間，我地都有段插曲，原本第一架訂的車，已經收晒confirmation 訂咗，但臨出發前一個月左右收到通知車主唔肯租，之後同Mighway 交涉咗好耐，先安排到第二架車比我地.....都有少少驚無車架，但最後有驚無險，佢地搵到部貴啲既車，但唔駛補差價，anyway總之有車比我地就得啦 😀
-------------------------------
取車
今個Trip 因為貪機票平係深圳出發 -.- |
| 好彩有信用卡優惠 $250 有中港車直接香港去深圳機場 |
 |
| 深圳寶安機場好難頂的天花 |
 |
| 選乘海南航空 |
 |
| 未降落已經見到靚景 😍 |
 |
| 超興奮! 紐西蘭之旅即將開始... 想知關於海南航空的服務，可以留意另一篇blog |
班機落到機場基本上無咩人，入境快到不得了....
 |
| 同朋友先買電話卡 |
基本上，露營車都唔會係機場範圍拎車，我地就係Mighway 訂埋Airport transfer，有車送埋我地去拎車，就唔駛煩點樣去拎車的問題啦!
 |
| Airport transfer 係一架高頂Hiace 小巴 |
 |
| 今次訂的露營車係FIAT 的Ductao Swift 686 型號 棍波版 |
取車時 ，職員會同你檢查車身外觀同埋教你用車箱的各種設備，轉頭先同大家介紹下車箱有咩設備呀下....
-------------------------------
你需要知道....
直到拎車的一刻，我地係完全無計劃過過夜的安排，有幾個網站同Apps 都好幫到手
CamperMate app
基本上我地成個Trip 的資料都係靠CamperMate呢個app，營地、景點、廁所油站等
呢個app 有Filter，可以分晒不同的類型的Camp site，有無垃圾站、有無廁所、有無水電等等....
推薦網站
以下呢兩個網站，可以提供到大部分你需要知的露營車相關資訊：
-------------------------------
露營車設備
呢架FIAT Ductao Swift 686 係棍波 (手排)黎，國際牌只有私家車牌都可以駕駛。
設備有:
- 雙人床3張，可載6人
- 水
- 廁所同淋浴設備，有熱水
- 暖氣
- 煮食爐/焗爐
- 石油氣
- 衛星電視
- 餐具
- 床舖用品 (枕頭、被、床單)
 |
| 廚房位於車箱中間 雪櫃可以行濕電或石油氣，但行車期間唔可以開石油氣 |
 |
| 中排卡位後就係廁所位置 |
 |
| 廁所 沖涼有熱水，不過要留意去水.... |
 |
| 車尾變身做床之前 基本上我地成個Trip 都係Keep住做床 |
 |
| 車尾雙人床 最好訓係呢張 |
 |
| 車頭司機位對上係另外一張雙人床 兩個人訓就好有壓迫感，我自己撞頭撞咗幾次 👽 |
 |
| 車中間呢個位置都可以變雙人床 |
 |
| 變床後的樣 中間呢張床比較短，我170 都頂腳 |
 |
| 車身外觀 |
-------------------------------
第一站 Auckland Fish Market
坐咗1x個鐘頭飛機，又拎車搞一輪... 即刻去搵野食先... 第一站 Auckland Fish Market
 |
| 首先派低部車先 入錶泊車係無飛出架... |
食啲咩，自己睇相啦 😂
食完野，就搵落腳點，打咗去個Camp site 有位就直奔去啦
-------------------------------
沿途見到一間賣酒的便利店，成個雪櫃可以入去呀!!! 😁😁
第一晚的落腳點係 Muriwai Beach Campsite
 |
| Muriwai Beach 呢個營地正，個地夠平... 廁所，沖涼房同廚房都好企理 |
 |
| 駁電的位 基本上係check in 完，自己再搵位泊 |
 |
| Campsite 出面就係Muriwai Beach 我地襯未日落, 拿拿臨出去... |
 |
| 原相直出都咁靚呀, 救命! 😍 |
太陽落山我啲朋友就準備晚餐，材料都係沿途經過超市買
 |
| 仲有個靚女服侍 😉 |
 |
| 製成品 |
 |
| 幾個朋友聚埋一齊，簡簡單單一餐已經勁開心 |
 |
| Iphone 都影到，你幻想下肉眼見既係有幾多... |
食完野返到車，玩下個天窗睇到勁多星星 😍
 |
| 坐係車睇下星星傾下計 幾溫馨呀 😝 |
--------------------
 |
| 當床開晒之後，有個問題就係無咩行李空間 所以訓覺的時候要將啲行李放司機位 |
第一晚就咁完咗啦.....
-------
我已經唔記得咗咩行程 -.- 好似淨係轉地方...
第二日
我已經唔記得咗咩行程 -.- 好似淨係轉地方... |
| 自駕遊最好就係可以隨時停 我地見有個Market 所以就停低睇下 |
 |
| 買定今晚的餸 (出賣朋友系列 😂) |
------------------------
之後沿途見到花又影一餐
-----------------------------------
最後，再去超市買多啲野食
去外地最好就係超市夠大間
有排行 😆
---------------------------------------
第二晚 係Thames 的 收費車場 CRIZ"N"STOP 過夜
有電同水
不過沖涼要熱水都要另外入銀收費......
---------------------------------------
之後泊好架車，就係車煮飯食
 |
| 有少少迫，但好玩既 |
 |
| 石油氣爐，明火煮食 |
 |
| 煎牛扒 (留意返太大煙，會搞到個警報器叫) |
 |
| 好期待 💋 |
完成品
食完野，第二日的旅程就咁完咗啦
---------------------------
第三日
由於前一晚試過係車沖涼同去廁所，所以第二日朝就要去裝水同倒排泄物
 |
| 加水 |
 |
| 沿路會有啲Dump station 你可以將啲污水卸低 (btw 我朋友渣住就係廁所個箱，基本上落咗化學野，無咩味道既) |
 |
| 卸埋污水 |
 |
| 辛苦你囉，暉哥! |
廁所基本上用兩三日先會滿，水就夠大家每人沖1-2次涼先會打爆個廢水缸
即係1-2日就完去裝卸
---------------------------
裝卸完，我地出發去熱水海灘... 我發覺我完全無影相架 😂
唯有比大家睇下沿路的風景....
玩完第三晚，搵唔到收費campsite 周圍都full 晒，所以決定係路邊過夜啦
 |
| 留意返，唔係周圍都可以泊過夜 只有指定有Freedom Camping 牌的範圍先可以 |
 |
| 路邊過夜雪櫃就靠石油氣啦 |
----------------------------------------
第四日
去咗Paengaroa區，參觀奇異果園
沿路仲見到Comvita 的廠，不過我地無去睇....
 |
| 坐奇異果做型車遊園 |
學到好多關於奇異果的知識....
第四日去咗間旅館+Campsite 的地方住，但無影相
--------------------------------------------------
第五日 - Skydiving 日
去紐西蘭緊係要玩啲激野，黎到2017年最後一日，我地決地玩Skydiving
Taupo 有兩間Skydiving，價錢差不多... 我地決定玩間粉紅色既...
 |
| 出發前 |
 |
| 超爽 |
 |
| 完成後 |
強烈建議大家玩15,000ft 啦，如果你係第一次玩就一定要揀The Monty Package ，只有最貴的package 的片先唔會錯過任何一刻同角度。
真係覺得貴既，就揀Handycam 啦... 因為Freefall 係仲有飛人外面影你，但佢會落地先，變咗開傘有一段會影你唔到...
最最可惜就係12月31日開始天氣唔好，啲相唔夠靚 😓 不過用Skydive 黎做一年最後一個活動都唔錯啦 💓
想了解多啲 > 可以睇返 Skydive Taupo http://www.skydivetaupo.co.nz
------
-----------------------------------------
第六日 - 2018年 😇
2018年，要比啲新挑戰自己... 我地決定去跳Bungy Jump ✌
 |
| 前一日我地去視察過，決定Skydive 咗先... 👋 好彩最後做咗呢個決定先，因為1月1日落雨，應該玩唔到Skydive✌ |
 |
| 首先，要簽聲明啦 |
 |
| 出發前留影 （呢個係乜post，好7呀 👹) |
 |
| 跳前笑一笑 |
 |
| 我跳咗啦！！！！ yeah！！！ 👶 |
講多無謂 > 去片
好好玩!!!! 😊
跳完Bungy 再玩埋個Rapids JET
純粹同行友人想玩，我自己覺得唔算太刺激
-----------------------------------------------------
第七日
第七日基本上淨係由Taupo回程返Auckland
然後我地又返返去Thames 的 CRIZ"N"STOP 過夜
 |
| Thames 的超市 |
-----------------------------------------------------
第八日
準備第二日走，所以都係返返Auckland 選擇個近機場的Campsite，當晚考遇超大月亮
 |
| 好「超」(Chill) 呀 |
-----------------------------------------------------
第九日
第九日還車，呢個露營車之旅轉眼間就完咗啦!
 |
| 大家係車前留影 (btw 係車頭影相，最好完Trip 先影) |
希望大家鐘意呢個Trip 啦，有咩唔明白歡迎隨時問我!!!
---------------------------------------------------------------------------------
最後一個小貼士
係高速公路入口可能會見到 "One Vehicle Per Green" 的燈號
如果個燈好開著咗，即係話每一部車經過都要停一停先再開，盞燈會不斷轉綠同紅，每次都係夠一部車過架者，係用黎控制進入高速公路車的距離，唔好亂咁衝或者停好耐呀😉
---------------------------------------------------------------------------------
最後一個小貼士
係高速公路入口可能會見到 "One Vehicle Per Green" 的燈號
如果個燈好開著咗，即係話每一部車經過都要停一停先再開，盞燈會不斷轉綠同紅，每次都係夠一部車過架者，係用黎控制進入高速公路車的距離，唔好亂咁衝或者停好耐呀😉
 |
| 網上圖片 |
延伸閱讀：
沒有留言:
發佈留言