話說，最近 (2017年6月) 同自己的學生整咗個沖繩單車之旅，又租咗架露營車去玩，就打篇文同大家Share 一下...
可能大家會有少少好奇，想問：「學生?」...
係呀... 因為我的職業其實係一個單車教練嚟... 而我的學生係一家人嚟的。
今次我地呢個Trip 係坐香港航空 (HX) 去，一般航空公司寄單車就同普通行李無咩分別，但香港航空的《托運行李政策》入面有一項「免費單車托運」，如果係往返以下提到的地點同埋起飛前的最少48小時打上hotline 申請，就可以獲得額外的托運限額啦！
不過留意返呢個policy 只係到2017年底，唔知之後有無。
｜免費單車托運1. 免費單車托運只適用於前往及/或由澳洲（黃金海岸/開恩斯）、新西蘭（奧克蘭）、台灣（台北）、日本（沖繩/鹿兒島/宮崎/岡山/東京/大阪/北海道/米子）、海南（海口/三亞）出發之旅客，每名乘客可獲免費托運單車一輛(重量不多於25公斤)；2. 乘客必須於出發前48小時致電香港航空訂位部申請免費單車托運；3. 乘客申請時，須清楚提供將被托運單車之重量及尺寸；4. 乘客須於託運前自行妥善包裝將被托運之單車；5. 若沒有事前提出申請，乘客之單車將被視為侯補行李處理；6. 如有任何爭議，香港航空將保留最終決定權。7. 免費單車托運由2017年1月1日起直至2017年12月31日，旅客需於2017年12月31日前完成行程。
 |
| 單車首先都係正常Check-in 位都搞掂先，磅完重先拎去「超大行李」到寄 |
 |
| 沖繩機場唔係好大，單車就由工作人員係後面道門拎出黎 |
 |
| 過完海關一出去，就會見到好多租車公司舉牌 今次我地係租OTS 的 |
 |
| 我地撞正打8號風之後的兩日去，香港唔好天 沖繩一樣唔好天 -.- |
 |
| OTS 的接駁巴士都係大車，4盒單車都無問題 |
 |
| 如果你第一次係OTS 租車要聽職員briefing 先... 佢地有好多國語職員... 唔識日文都唔駛驚 |
 |
| 搞完文件，開車之前職員會介紹部車同埋比你檢查一下部車先 |
部車入面係點? 我用iphone 拍咗條片比大家睇下，接住下面會有文字介紹。
TOYOTA WOHN R2B 車箱介紹
講下個trip 先，其實我地就住酒店的，租架露營車就方便去踩單車。
 |
| 去程前往酒店途中，都係求奇放住啲單車上車 但都仲有位座 |
 |
| 部車唔算大架，如果有渣開7人車應該唔難應付，而且仲要係自動波 不過車身比車頭個屋仔闊，睇位要小心啲 |
我地係一個4日3夜trip，實際可以用得2日時間... 第一晚就準備第二日踩車.. 無咩特別野做..
 |
| 天氣一路好唔穩定，一時有雨有時無雨，不過難得黎到... 細雨小小都照踩啦 一開始地下都係濕 |
 |
| 神奇的情況出現，回程出太陽 |
 |
| 有單車拍住影，就會發覺架車其實唔大部 同平時香港一部7人車咁上下長架咋 |
 |
| 車身好多門，可以由唔同的位放野入車 |
最正係有水龍頭，我地就用黎抹返乾淨架單車先上車...
TOYOTA WOHN R2B 水龍頭使用示範
好啦，比下大家睇下架車箱入面的設備啦
 |
| 有GPS、Aux 線、後波一頭.. 但無藍牙 車機個位置有少少低，唔太方便睇位 |
 |
| 車箱中間的座位同枱面，全車最多載7人 (訓覺得6位) 呢個位置可以變一張床 |
 |
| 向車尾望 |
 |
| 司機位上面可以訓到3個人 |
 |
| 車尾的床 |
 |
| 車尾兩張床的床板都可以拆開 |
 |
| 回程我地拎晒車尾位置黎放晒單車 |
 |
| 仲有空間放行李 |
 |
| 上車記得要除鞋 |
 |
| 小廚房 有雪櫃、微波爐同水等等 |
 |
| 上車位置的地下有電池大制 可以睇到有幾多電，車內電器的電可以接駁車外的濕電 |
 |
| 有一間天窗仔 |
 |
| 呢部車無廁所同浴身，但中間有間房比你放立雜野 |
車箱的設備大致都係咁多啦，想租呢部車呢可以上OTS 租車公司到睇
OTS 租車
好多朋友問咩牌先渣得，以我的理解係應該普通私家車牌都已經可以租得...
另外部車的電器係行另一舊獨立的電，唔著車都可以用。之不過我地無住營地，所以都唔知可以去邊到差(charge)電...
實際上我地兩日一路開車，都有開住車中間部分體冷氣機，而無差過舊電，都唔覺唔夠電...
所以唔過夜舊電唔差都夠頂晒個trip。
提外話，去沖繩真係一定要去水族館睇，鯨鯊真係好好睇
但係睇完鯨鯊唔好唔記得去埋個劇場，相比起海洋公園，你可以近距離好多睇海豚...
呢篇旅程就去到呢到啦，希望大家鐘意呢個旅程啦，有咩問題歡迎留言!
沒有留言:
發佈留言